தலைப்பிள்ளையை எரித்தும்
மற்றவர்களை கீழ் மேல் திசையாக புதைத்தும்
திருமணமாகாதவர்களை
தென்வடல் திசையாக புதைத்தும் வந்த ஊர்
இன்று பெருத்துவிட்டது
மயானம் ஊருக்கு வெளியே
தள்ளியே போய் விட்டது
உயிரோடிருப்பவர்களுடன்
போட்டியிடத் திராணியற்று
எரிய சம்மதித்து விட்டன பிரேதங்கள்
புதைக்கப்பட்டவர்களை அசைக்க முடியவில்லை
வலுவான காங்க்ரிட் எழுப்பி
கணபதி ஹோமம் நடத்தி
அவர்கள் மார்பின் மேலேயே
படுத்துறங்கி
முன்னோரின் பிள்ளையாகி விட்டனர்
முன்னொரு காலத்தில்
பேய்களின் பிள்ளைகளாய்
அழைக்கப்பட்டவர்கள்!
