தற்கொலைக்காரன்

உயரத்திலிருந்து குதிக்கும்
தற்கொலைக்காரன்

கீழ்நோக்கிய பயணத்தின்
எந்த ஒரு கணத்திலேனும
வாழ்வாேம் என்று நினைத்திருந்தால்

அந்த ஒரு மைக்ராேகணம்
அவன் வாழ்தலை புரிந்துகொண்ட
கணமாகிறது.

என்ன பயன்...

அவனுக்கும்
இதை அவனுக்கு சொல்லும் எனக்கும்!

பேய்

வாழும் மனிதனை விட
வாழ்ந்து மறைந்த  பேய்கள் அதிகம்


வாய்ச்சொல்லில் பரப்பி அச்சுறுத்தும்
மனிதனின் வார்த்தைகளின் நீளத்துக்கும்
அதற்கு அப்பாலும்
வாழ்ந்து கிடக்கின்றன..
பேயின் நினைவுகள்

எல்லா பேய்களுக்கும்
அதிக பட்சம்
இரண்டு தலைமுறை தான்
ஆயுள்

வாழ்ந்து இறந்து பேயான மனிதர்களை விட
வாழ்ந்து கடவுளான மனிதர்கள்
அச்சுறுத்திக்கொண்டே இருக்கிறார்கள்
தலைமுறை தலைமுறையாய்!!!