நட்சத்திர அந்தஸ்து உள்ள நாயகர்
கலை தாகம் உள்ள காதலர்
நேத்து தான் சினிமாவுக்குள் வந்த நடிகன்
இன்று தான் படைக்க வந்த இயக்குனர்
பரிட்சார்த்த கதை சொல்லும் இயக்குனர்
கலைநோக்கம் மட்டுமே கொண்ட திரைப்படம்
கிராமிய பாத்திரம் மட்டுமே ஏற்கும் கலைஞன்
இவற்றுள் எதையும் ஏற்று செய்யும் சகலகலாவல்லவன்
இப்படி எல்லா நீருக்கும் பாத்திரமைத்து
இசை தந்த ஞானி..
ராகங்களை எங்களுக்கு தெரியாது..
ஆனால், உன் ராகங்களுக்கு எங்களை தெரியவைத்தாய்..
காற்றை ஆள்பவனுக்கு
நாட்டை ஆள்பவர் செய்யும்
இன்னுமொரு ஆலாபனையாய்
இன்று உன் ஞான சிரத்தில்
இன்னொரு மகுடம் சூட்டியிருக்கிறது அரசு.
என்றென்றும் ராஜா வாழ்க
