பேய்

வாழும் மனிதனை விட
வாழ்ந்து மறைந்த  பேய்கள் அதிகம்


வாய்ச்சொல்லில் பரப்பி அச்சுறுத்தும்
மனிதனின் வார்த்தைகளின் நீளத்துக்கும்
அதற்கு அப்பாலும்
வாழ்ந்து கிடக்கின்றன..
பேயின் நினைவுகள்

எல்லா பேய்களுக்கும்
அதிக பட்சம்
இரண்டு தலைமுறை தான்
ஆயுள்

வாழ்ந்து இறந்து பேயான மனிதர்களை விட
வாழ்ந்து கடவுளான மனிதர்கள்
அச்சுறுத்திக்கொண்டே இருக்கிறார்கள்
தலைமுறை தலைமுறையாய்!!!